President.uz: ShHTning Bishkek sammiti ishtirokchilari uchun konsert bo‘lib o‘tdi

Qirg‘iziston milliy filarmoniyasida, an’anaga muvofiq, Shanxay hamkorlik tashkiloti sammiti ishtirokchilari uchun konsert namoyish etildi.

Tadbirda ShHTga a’zo va kuzatuvchi maqomidagi davlatlar rahbarlari ishtirok etdi.

Madaniyat va san’at xalqlarni yaqinlashtiradigan, o‘zaro anglashuv va do‘stlik rishtalarini mustahkamlaydigan muhim vositadir. Bu Shanxay hamkorlik tashkilotining maqsadlariga hamohang.

Mehmonlar e’tiboriga mintaqa xalqlari san’atining eng sara namunalari havola etildi. Jumladan, o‘zbekcha kuy-qo‘shiqlar olqishlar bilan kutib olindi.