Ўзбекистон ва Қозоғистон Президентлари амалий ҳамкорликнинг долзарб масалаларини муҳокама қилдилар
Ўзбекистон Республикаси Президенти Шавкат Мирзиёев “Марказий Осиё – Европа Иттифоқи” саммити доирасида Қозоғистон Республикаси Президенти Қасим-Жомарт Тоқаев билан учрашди.
Ўзбекистон-Қозоғистон яхши қўшничилик, стратегик шериклик ва иттифоқчилик муносабатларини янада мустаҳкамлаш масалалари кўриб чиқилди.
Икки томонлама ҳамкорликнинг устувор йўналишларида амалий алоқаларни кенгайтириш зарурлиги қайд этилди.
Товар айирбошлашни кўпайтириш, саноат, энергетика, транспорт ва логистика, қишлоқ хўжалиги соҳаларида, иқтисодиётнинг бошқа тармоқларида инвестиция лойиҳаларини амалга ошириш истиқболларига алоҳида эътибор қаратилди.
Минтақавий ва халқаро аҳамиятга молик масалалар юзасидан ҳам фикр алмашилди. 11 ноябрь куни Самарқанд шаҳрида ўтказиладиган Туркий давлатлар ташкилоти саммитининг кун тартиби муҳокама қилинди.
Кейингиси
Давлатимиз раҳбари Остона шаҳрида “Марказий Осиё – Европа Иттифоқи” форматидаги мажлисда иштирок этиб, нутқ сўзлади. Минтақамиз мамлакатлари ва ЕИ ўртасидаги кўп қиррали ҳамкорликни янада кенгайтириш юзасидан муҳим таклиф ва ташаббусларни илгари сурди.
27.10.2022
