Ўзбекистон Республикаси Президенти Бирлашган Араб Амирликлари Бош вазири билан шерикликнинг стратегик йўналишларини муҳокама қилди
Ўзбекистон Республикаси Президенти Шавкат Мирзиёев 2 декабрь куни Бирлашган Араб Амирликларининг Бош вазири ўринбосари – Президент ишлари бўйича вазири Шайх Мансур бин Зоид Ол Наҳаён билан телефон орқали мулоқот қилди.
Ўзбекистон етакчиси Амирликлар томонини миллий байрам – мамлакат ташкил топганининг 50 йиллиги билан самимий қутлаб, дўст БАА халқига фаровонлик ва равнақ тилакларини изҳор этди.
Кенг кўламли Ўзбекистон-БАА ҳамкорлигининг стратегик йўналишларини ривожлантириш масалалари кўриб чиқилди.
Қўшма инновацион лойиҳалар ва молиявий-техник кўмак дастурларини амалга ошириш масаласига алоҳида эътибор қаратилиб, бунда Дубайдаги EXPO бутунжаҳон кўргазмасида ҳам ўзининг ёрқин ифодасини топган мамлакатларимиз салоҳиятини ҳисобга олиш лозимлиги қайд этилди.
Истиқболли лойиҳаларнинг янги портфелини шакллантириш учун яқин фурсатда ҳукуматлар делегацияларининг икки томонлама учрашувларини ўтказишга келишиб олинди.
Олдингиси
Ўзбекистон Республикаси Президенти Шавкат Мирзиёев Абу-Даби валиаҳди, Бирлашган Араб Амирликлари Қуролли Кучлари Олий бош қўмондони ўринбосари Шайх Муҳаммад бин Зоид Ол Наҳаён билан телефон орқали мулоқот қилди.
02.12.2021Кейингиси
Президент Шавкат Мирзиёев раислигида 2 декабрь куни қурилиш материаллари саноатини ривожлантириш ва аҳолини уй-жой билан таъминлаш масалалари бўйича видеоселектор йиғилиши ўтказилди.
03.12.2021
