25 октябрь куни Ўзбекистон Республикаси Президенти Шавкат Мирзиёев ва Тожикистон Республикаси Президенти Эмомали Раҳмон телефон орқали мулоқот қилдилар.
Тожикистон Президенти суҳбат аввалида Ўзбекистон етакчисини давлат раҳбари сайловида эришган ишончли ғалабаси билан самимий қутлаб, биродар ўзбек халқига фаровонлик ва равнақ тилади.
Мамлакатларимиз ўртасидаги амалий ҳамкорликни кенгайтириш, яхши қўшничилик ва стратегик шериклик муносабатларини мустаҳкамлашга қаратилган қўшма лойиҳа ва дастурларни амалга ошириш масалалари кўриб чиқилди.
Ўзаро савдонинг ўсиш суръатлари, саноат кооперацияси лойиҳалари илгари сурилаётгани, автобуслар қатнови қайта тиклангани, соғлиқни сақлаш ва кинематография соҳаларида фаол алоқалар йўлга қўйилгани мамнуният билан қайд этилди.
Минтақа кун тартиби, шу жумладан Афғонистонда вужудга келаётган вазиятдан келиб чиққан ҳолда муҳокама қилинди.
Олдингиси
Туркманистон Президенти Ўзбекистон Президентини самимий қутлади
25 октябрь куни Ўзбекистон Республикаси Президенти Шавкат Мирзиёевнинг Туркманистон Президенти Гурбангули Бердимуҳамедов билан телефон орқали мулоқоти бўлиб ўтди.
25.10.2021Кейингиси
Ўзбекистон ва Қирғизистон етакчилари шерикликни янада мустаҳкамлаш муҳим эканини таъкидладилар
25 октябрь куни Ўзбекистон Республикаси Президенти Шавкат Мирзиёев Қирғиз Республикаси Президенти Садир Жапаров билан телефон орқали мулоқот қилди.
25.10.2021